பராவத்தை - அவத்தைகள் எல்லாவற்றிற்கும் மேலே உள்ள அவத்தை. பரம் - மேன்மை. அவத்தை - நிலை. இது மேல், `சுத்தத்தில் சுத்தம்`* எனக் கூறப்பட்ட அவத்தையே யாம். அனைத்து அவத்தைகளிலும் மேலான அவத்தையாதல் பற்றி, முன்மந்திரத்தில் `ஆய்தரு சுத்தமும் தான்வந்தடையுமே`+ எனக் கூறிப் போந்த இயைபு கொண்டு இதனை இங்கு மந்திரங்களால் விரித்துரைக்கின்றார். பரம் பொருளோடு சேர்தலே பராவத்தையாலும் உணர்க.